擁有外國大學哲學學士學位的黃子華，稱他為香港的棟篤笑之父其實絕不為過，由90年其首個棟篤笑《娛樂圈血肉史》開始，每每在宣佈開騷後均掀起一陣撲飛熱潮，有這成績受到前呼後擁是少不了的，但子華對娛樂圈的種種，甚至是訪問仍未習慣，反而更享受完騷後的「潛水期」，讓他為下一次的創作準備。

黃子華與一眾舞台劇演員如龔小玲、韋羅莎、黃呈欣、朱栢康及白只等，早前為新舞台劇《咁愛咁做》宣傳，並接受本報專訪，只見子華在整個訪問中也甚不自然，對此子華解釋說：「其實我入行咁多年都仲未習慣接受訪問，我從來都唔覺得自己有乜咁值得人哋去訪問我。」

後悔接受訪問
子華續說：「我唔係好識講嘢，所以我從來未試過有一次做完訪問後係唔後悔嘅，因為我成日講錯嘢，而今次做訪問，係為部舞台劇宣傳，所以要負番責任。」
原來子華有一個習慣，就是在完成手頭上的一項工作後便會沉寂一段時間，以激發自己的創作思維及趁機進修一番，問子華會進修甚麼？他表示：「其實都係睇吓書，同埋整理一下自己嘅思緒。」

有意開拍電影
同時，子華透露有意在不久的將來執起導演筒，拍攝一部擁有濃厚香港味道的本地電影，他說：「我有諗過啲關於電影嘅project，總之意念行頭啦，未有具體計劃。」
其他演員對於是次跟子華合作也大表興奮，其中韋羅莎坦言：「真係好緊張，事前唔會諗到有機會同子華合作，佢係一個好amazing嘅演出者，都有啲壓力。」

眾舞台劇演員都認為與子華合作是一件值得興奮的事。

黃子華說每次完成一項工作，他都會讓自己沉寂一段時間，以激發創作思維。

子華正忙於為《咁愛咁做》宣傳。

每次舉行棟篤笑，子華（右）總有新搞作。