自爆拍《乜代宗師》賣樓兼骨折辛酸史 黃子華:希望賺錢分紅

2020年1月16日 | 晴報

早前黃子華(子華神)拍片自爆賣樓拍攝《乜代宗師》,前晚他現身首映禮分享拍攝這齣純港產片的血淚史,除了去年香港局勢轉變差點令電影胎死腹中,他更透露該片三位監製捱義氣分文不收。不少影迷承諾買票撑子華神;有人亦揚言必定狂睇《乜代宗師》!

子華神的賀歲電影《乜代宗師》將於下周四公映,前晚他率領女主角劉心悠、許紹雄、C君等出席首映禮。身兼編、導、演的黃子華盡訴心中情︰「今次部戲的確好多波折,但其中一個監製講過,遇難呈祥(逢凶化吉)。要自己出錢係大難關,籌備時見到香港局勢轉變,多次開會討論是否繼續堅持,當時係一個艱難決定。」

他又承認《乜》片由自己全資拍攝,戲中三個監製及部分工作人員都分文不收,因此他們也是自己的拍檔,更希望觀眾支持入場,能夠賺到錢分紅。

拒談賣樓單位面積
有傳因該片題材問題,故未能通過內地審批而被投資方撤資,惟子華神前晚否認。對於曾在FB拍片,公告為拍純港產片不惜賣樓籌集資金,希望拍一齣畀香港人睇的電影。他回應︰「唔使太擔心,雖然賣咗層樓,但仲有地方住同瞓。(賣咗個單位幾大?)唔講得,總之現時生活安定。」

此外,他又在拍戲時受傷骨折,雖已逐漸康復,但受訪時右手仍要戴上護托。

子華神特別感激劉心悠為角色接受地獄式訓練大半年,並戒吃鹽三個月,最終打到手受傷打石膏︰「我去年一月搵佢,三月開始訓練,九月都未出糧畀佢,只係講個信字!」而心悠昨午上載前晚首映禮出場前做運動的短片,並呼籲大家支持《乜代宗師》。網友都齊聲要買票入場助子華神買番層樓;有影迷更指香港人必定要撑港產片。

A043_01_a_20200116_L