與霆鋒爭高登男神 子華有獎唔怕攞

2014年2月24日 | 晴報

網民平日最愛透過社交網站高談闊論,得到一班巴打絲打的支持,馬國明、謝安琪去年更分別獲封做高登男神和女神。今年賽果即將揭曉,黃子華躋身男神十強,雖然他不清楚評選準則,但也要多謝網民,總之有獎就要攞。

黃子華昨日與服裝指導奚仲文、演唱會設計師朱祖兒等,齊擔任「惜食堂愛心罐香港頒獎禮」評判。子華到場後把逐件作品仔細去看,並給予評分,十分認真。活動後,記者告知子華成為候選男神,去年贏得視帝的他,對獎項仍然採取一貫作風,「我都講過,對呢件事我唔主動、唔抗拒、唔負責」。

畢竟都是大熱人馬,子華聞言後笑笑口謂:「雖然呢個獎都幾有趣,不過我到今日都唔知個評審準則,好似每年嘅金草莓獎,都唔知係咪好嘢。我聽過某些藝人得獎係因為佢睇AV,咁我唔知自己係咪因為食咗乾炒牛河而入圍,何況網友都唔知有咩人,只係部分代表,當中總會有人唔喜歡自己。所以如果大家開心的話,我都好歡迎有獎攞。」

誤以為騎呢獎
雖然子華口口聲聲對任何獎項都不太熱衷,但當知道自己有入圍,他還是抱着八卦心態向記者打探還有哪些對手。記者說有謝霆鋒,子華即表示:「我仲以為入選高登嘅都係騎呢,咁我可以嚴重和認真地感謝大家。」

還有兩星期就出結果,這段時間會否上高登瀏覽一下,順道為自己拉票?子華又再搞笑表示:「上到去係咪我都冇人知啦,唔通要拍條片?我都話唔負責,唔主動,總之有咩獎就攞。」

何韻詩入選男神
今屆高登男神選舉正在舉行,從目前走勢來看,入圍名單相當強勁,分別有謝霆鋒、黃子華、張國榮、陳冠希、張耀揚、張家輝、周潤發、吳彥祖、吳鎮宇、林雪、胡鴻鈞及上屆得主馬國明等。不過,有趣的是,有網民竟然投何韻詩做「男神」。

其實阿詩最近刻意多作女性打扮出席公開場合,但在巴打心目中卻當她成為「男神」,問子華可有信心撼贏阿詩,他表示:「高登的好處,就是每個人都有機會。」至於賽果將於3月8日正式公布。