黃子華和潘燦良早前宣布明年1月在演藝學院公演的舞台劇《最後禮物》後，即時掀起搶飛熱潮，早前優先訂購火速爆滿，反應非常熱烈。主辦單位今日在紅隧位置，架上《最後禮物》的戶外大型宣傳海報，海報上宣布一個驚喜的消息，就是演出將會加開十場，合共40場演出。

（大會提供）

（大會提供）

舞台劇策劃總監馮貽柏（Alex）承認將會加開十場，合共40場舞台劇的門票將於7日公開發售，Alex表示：「其實真係好多謝大家支持，係真係爆到滿瀉，都唔係靜雞雞加場，今日隧道口會上大廣告版啦。」對於今次舞台劇超級反應熱烈，Alex話子華及潘澯良及一眾演員都十分開心，「因為其實大家都唔夠飛畀朋友，日日都追瘦我再分配額畀佢哋…（再加？）應該都未係滿足得到市場，不過同子華、阿燦研究咗，目前檔期最多只可演40場啦，所以7號公開發售，希望大家搶到飛啦，搶唔到我都冇辦法啦。」

（大會提供）

（大會提供）

目前舞台劇已經展開排練了近兩星期，Alex表示，子華及阿燦每日於排練室都排得非常之咁投入，加上用視像與身在外國的莊梅岩一同排練，三人花火滿天飛，劇本對白一邊排一邊作細緻修輯，要求精益求精，希望入場的觀眾可以睇到拍案叫絕。

（大會提供）