被封「子華神」的黃子華今年7月宣布「金盆浪口」後，前晚現身《農夫十八歲生日快樂演唱會》捧場，農夫雖被子華大嗌「垃圾」，但依然視他為偶像，特別打造20分鐘棟篤笑致敬。

開騷前，農夫一如之前玩迎賓，當子華上台時，全場觀眾狂叫，C君問子華：「今晚打算復出？」全場再瘋狂尖叫，子華即指同行好友羅金榮剛出歌：「有宣傳好做，佢哋（農夫）唔會畀免費騷你睇！」C君請子華留步合照，子華繼續笑說：「旺角最蠱惑嘅兩個喺呢度，不如叫晒啲人上台啦，得我哋幾個咁冷清。」窒到農夫冇聲出，全場爆笑。

中段時，農夫講到要多謝鄭裕玲（嘟嘟），又自嘲被她叫「垃圾」，之後多謝子華時，台下的子華反應極快，企起身向二人大叫「垃圾」，引爆全場笑聲。他們爆上次子華棟篤笑，被對方捉住傾了6粒鐘，子華即對鏡頭指二人「講大話」。他們又將原定完騷前的「送客」環節，變成20分鐘的「棟篤笑」向子華致敬。

當農夫講到與子華傾了6粒鐘，子華即搞笑指二人「講大話」，實情是5小時。