【一個學生也不能受傷】黃子華喻雞蛋與高牆:不容一粒雞蛋粉碎

2014年10月12日 | 蘋果日報

黃子華前晚喺紅館棟篤笑講到香港人經過今次雨傘革命後,終於證明了,「香港人終於可以光明磊落一次!」說到此時,子華一度垂頭掩面,說了三次,還是說不下去,似是感觸落淚,但子華事後接受本報電話訪問時否認哭了,仲話,依家仍然不是激動的時候 :「以後都唔會再咁激動,依家唔係時候。」

噚晚子華繼續紅館棟篤笑,不過是夜子華未有再提「香港人終於可以光明磊落一次」此句,但仍然保留香港人具備智仁勇中的仁勇,同埋佔領行動見證美麗港人和平勇敢而且善良的本質。不過,子華噚晚亦講咗一樣,之前咁多場都未講過嘅對白,就係村上春樹嘅雞蛋與高牆。

「我哋一向講,雞蛋,高牆,我好希望提醒一下,我哋今次唔係雞蛋與高牆,我哋今次係雞蛋撼高牆,高牆後面仲有一座山,我哋面對係呢樣嘢。呢句說話係由村上春樹講出嚟㗎啦,各位,喺雞蛋高牆之間我哋一定選擇站喺雞蛋嘅一邊,但大家唔好搞錯,無論村上春樹,或者我哋任何人,都唔希望見到,有一粒雞蛋係粉碎,係咪?我希望我哋香港人有咁嘅智慧。我哋有仁,有勇,我希望我哋都有智慧,去保護我哋自己,不容一粒雞蛋粉碎,好唔好?」全場報以熱烈掌聲。

1413094816_3327