視帝劇帝首度合作 黃子華潘燦良合演舞台劇《最後禮物》

2021年11月23日 | 明報

黃子華與潘燦良(阿燦)兩位視帝、劇帝將聯手合作,演出舞台劇《最後禮物》。兩人將於香港演藝學院一連舉行30場演出,日前他們於清水灣片廠拍宣傳海報,主辦單位英皇娛樂重本於片廠中搭建大型場景拍攝,讓兩位主角未上台已先感受到台上氛圍。

原來今次是2人首次合作,子華離開香港話劇團之後,阿燦才加入,所以名副其實是阿燦的師兄。阿燦坦言今次能與師兄黃子華合作,加上劇本出自最佳編劇莊梅岩,所以一邀請他演出便立即答應。子華謙稱一向視阿燦為偶像,但凡阿燦有份演出的劇,他大部分也有看,非常期待今次合作,令阿燦受寵若驚。

子華已有5年沒有演過舞台劇,他笑言:「冇做舞台劇啫,我一直有開電影,今次能夠同我偶像潘燦良合作,真係夢寐以求,潘燦良應該係我喺香港舞台上,睇得佢最多戲嘅人,粗略估計我睇咗佢10部演出或以上,所以好開心可以同佢合作。」

談到今次演出的故事,子華笑言:「我哋呢部劇叫《最後禮物》,近年大叔吃香,好流行大叔的愛,我覺得我哋呢部劇有權改名叫《大叔的恨》,我同阿燦兩位大叔,喺劇中恨到出面。」阿燦則說:「應該係有好多愛先產生咁大恨。」子華笑回:「依家唔可以劇透,大家入場就知咩事。」

由於時間緊迫,兩人已經開始投入綵排工作,又因為疫情關係,編劇莊梅岩身在外國暫未能到港,所以開會、圍讀及綵排,大家以視像方式溝通,子華稱:「綵排應該會搵部機做直播畀佢睇住先,我哋之前已圍讀過一次,圍讀嗰日都幾震撼,因為我冇諗過,坐喺到一齊演出演員,位位都係舞台劇界獨當一面朋友,稍後大家都會知道有幾多猛人,同我哋一齊演出呢個重量級製作。」大會策劃及監製馮貽柏表示,暫定場次是30場,如果反應熱烈,會跟演員商議加場的空間。

f794b84b91abadd238b603a46eddc2b0

黃子華和潘燦良首度聯手合演舞台劇。

f79ab2b10016239b2cb42f8e9a6520e7

當視帝黃子華遇上劇帝潘燦良,會擦出怎樣的火花呢?

f7a10e500f5a6941bb249df60a235456

黃子華和潘燦良明年1月在演藝學院演出合共30場舞台劇《最後禮物》。