黃子華早前喺facebook到貼咗一條片，就係佢彈住結他同大家拜年，而網民留意到嘅就係子華嘅留鬚look，好多網民都大讚佢好靚仔、又有型，而喺今日，留鬚look嘅男神子華又出現喇，不過就唔係喺佢facebook，而係喺卓韻芝嘅微博，佢貼咗一張同子華嘅合照，佢仲話：「子華前輩很好哦！學習的對象。」

其實講到向子華學習，點可以唔提張逹明，想當年，黃子華睇完達明同詹瑞文搞嘅「麻甩show」之後，子華就搵咗達明一齊做棟篤笑，之後達明就開始咗佢嘅演藝生涯，所以可以話係子華帶咗佢入呢一個娛樂圈。而最近喺一個訪問入面，逹明都話：「喺佢（黃子華）身上學咗好多嘢，寫棟篤笑嘅方法，都有好多曝光嘅機會，亦都幫助咗我後來可以加入演藝圈嘅一個可能性。」仲講到當年子華用6位數字邀請佢一齊做棟篤笑。

雖然話達明好多謝子華，但係子華喺《志雲飯局》入面講過，曾經因為喺95年同張達明一齊做《棟篤笑雙打》，令到達明紅咗，後來《狀王宋世傑2》達明做主角，子華就做奸人配角，對子華造成沉重打擊，仲好妒忌添。不過兩個依家都仲係好朋友，所以話時間係會沖淡一齊。

而嚟緊喺3月，張達明就會同農夫開個棟篤笑，呢個棟篤笑喺張達明病癒後嘅騷，好多fans都擔心達明嘅身體，但係達明之前講過：「已有後備計劃，棟篤笑到時可以坐篤笑、瞓篤笑，因為唔知把聲會點。」仲識得講笑，問題都應該不大。

子華留鬚真係好有型。

彈住結他同大家拜年，冧死。

子華講過當時有因為逹明紅而唔開心。