鄭中基（Ronald）紅館演唱會尾場，嘉賓除有陳慧琳，還請來男神黃子華！當子華現身台上即全場歡呼，子華更手插褲袋chok樣上身相當搞笑，子華笑問：「Encore係咁叫嘅咩！ Encore應該要嗌乜？」台下觀眾即接：「回水！」

子華稱一向對唱歌的人好有好奇心，點解唱歌去握手拖時間，所以都要去試吓握手，又說要學Kelly去觀眾到?利是。之後笑鄭中基是奇人，唱情歌都可以亂食東西：「乜都放落口不顧形象，唔通張學友食住臘腸唱《每天愛你多一些》，有冇見過張國榮食牛雜唱《風繼續吹》。但鄭中基就食過『牛歡喜』，一個食過牛歡喜嘅人點可以唱情歌，唱『讓我為你哭？』哭咩呢！但鄭中基就得，一話開紅館就爆晒，仲要做嘉賓都攞唔到飛，所以我都明白點解鄭東漢要上台彈結他，佢老婆仔女要上台，因要表演先得，因為冇飛。」

唱到走晒音
之後子華和Ronald又笑埋台下來捧場的譚詠麟：「有個人有Ronald八成道行，佢係一個『掃』食者。」 Ronald笑言：「佢素來冇嘢唔食，乜都掃晒落口！」搞到全場大笑。而兩人最後合唱了《風的季節》，唱之前子華已稱唱歌會走音，亦如子華所言真的唱到走晒音。

子華神真係勁搞笑！

黃子華

黃子華都要?利是呀！

黃子華、鄭中基