黃子華:希望佢翻本先

2013年12月21日 | 蘋果日報

王維基昨日突然宣佈進軍流動電視,香港電視開台有期,免費電視市場料有新競爭,多位無綫藝員昨晚出席一婚宴時,異口同聲表示讚好,認為有新電視台開台是好事。胡杏兒說:「百花齊放係好事,最好係請番320位員工,有競爭先有進步。」田蕊妮稱:「好事,咁咪好囉,百花齊放,多啲劇拍、請多啲人。」黃子華則表示:「我唔係商人,但作為創作嘅人,我好喜歡佢咁搏!我支持發牌,點都好,希望佢翻本先!」
阮兆祥戥港視被裁320位員工有機會回歸電視業高興,「聽講佢哋未來發展更大,會請更多員工,行業更蓬勃進步,自己都有觀看同業作品,知己知彼。」

戚其義:想同港視合作
黃德斌說:「王維基開台係好事,至於有冇機會合作,我要等無綫合約完咗先(考慮),但觀眾多一個選擇係好事。」已離職的無綫前監製戚其義說:「我都想同港視合作,離開無綫乜機會都會試。」
對王維基的香港電視「復活」,並說不排除入主亞視,亞視公關部發言人昨回應:「不予置評。」

【無綫藝人讚好】
黃子華:「作為創作嘅人,我好喜歡佢咁搏!」

21la2p101