最近打入網上論壇10大男神榜的黃子華，自言不知評審準則，故採取不主動、不負責的態度面對，若然有獎當然接受，對於與型男謝霆鋒睇齊，子華笑言感謝能掹車邊入圍。

黃子華昨日與著名美術及服裝指導奚仲文等為罐頭堆砌比賽擔任評判，貴為視帝的他獲不少市民捧場，子華亦親切地向粉絲揮手，對於入圍網上論壇的男神10強，子華笑不攏嘴說：「我會唔主動、唔抗拒同唔負責囉！」

考慮拍片拉票
被網友捧為男神，子華坦言不知評審準則，問到認為自己贏面多大？子華說：「我唔知個獎包含咗啲咩，有某部分人鍾意你，當然亦梗有部分人唔鍾意你，但有獎我會攞囉！（一齊入圍仲有謝霆鋒！）霆鋒不嬲都畀網民留意，我成日覺得有份同我入圍都係騎呢，所以要認真同感謝成為大熱，係掹車邊。」問到會否上網拉票？子華指網絡世界何其大，即使真的留言，網友也不知道是他本人，除非他拍片放上網則另作別論。

正忙於為年底舉行的棟篤笑做準備的他表示，未知能否打破過往開10場的紀錄，但承諾會爭取做更多場數：「主題仲諗緊，但應該唔會做跨年。」

黃子華不諱言唔知點解獲封男神，總之有獎攞照殺！

黃子華開親棟篤笑都大獲好評，梗多Fans！