50場圓滿落幕 黃子華:每場都驚係最後一場 潘燦良:我會懷念你

2022年9月26日 | AM730

黃子華、潘燦良主演的50場舞台劇《最後禮物》,昨晚(25日)終迎來最後一場。謝幕時,阿燦大感依依不捨,「我呢世,可能得呢次機會同子華合作。所以好珍惜,子華我會懷念你!」子華則表示,「今次真係可一不可再!大家唔好見我冇乜嘢,其實我每場都驚係最後一場,唔係驚病,咩疫個啲 ,我係驚我會死,因為我演完每一場都死左咁滯。」兩人不排除日後將舞台劇搬上大銀幕,讓更多觀眾可入場欣賞。

20220926_am730_001

黃子華和潘燦良完成50場舞台劇《最後禮物》,大表不捨。

子華搞喊區嘉雯韋羅莎
要在疫情期間經歷過延期後,安全完成50場舞台劇,殊不簡單,阿燦形容這次演出一波多折,「50個晚上,全體近百個工作人員,只有一個案例輕微感染,且發生於休息日之中,無傳染給任何一位演員及工作人員,大家順順利利健健康做完這50場,真係非常之唔容易!」子華則要多謝台前幕後出色的舞台藝術工作者,大讚每位參演者都是獨當一面的舞台劇演員,「例如區嘉雯,我當年入香港畫劇團時,幾乎每一個劇女主角都係佢,我恨不得有份同佢做戲,最後我有一次機會,係莎士比亞劇入面,做佢細佬,著住對絲襪走出來,何其尷尬。所以我真係好開心,今次可以同咁多好演員合作。至於阿燦,就唔駛講啦,佢係我honey,我直頭係佢fans!」子華對每一位演員的敬重,令區嘉雯及韋羅莎即場激動落淚。

20220926_am730_002

子華對每一位演員深表敬重,區嘉雯(左一)激動落淚。

20220926_am730_003

完成50場演出後,子華、阿燦與莊梅岩等人開香檳慶祝。

黃子華潘燦良「各奔前程」
子華早於開場前已搞笑地扮暈,自言發夢以為是頭場演出,並感性地在社交平台留言,「歐陽晴,五小時後各奔前程!保重,以抗生之虛妄,保輕莫懼現實鉛沉!互勉!」盡顯不捨之情。演出完畢之後,眾人開香檳慶祝並表示「各奔前程」,阿燦忙自己執導的新劇《短暫的婚姻》,子華就歸隊為《飯氣攻心》謝票。對於阿燦提到可能是最後一次跟子華合作,子華大笑,「點會?我大把機會可以再合作啦。」有提議子華,不如把《最後禮物》變成電影搬上大銀幕,阿燦回應,「都可以喎,依家其實已經有舞台劇已經試緊,係電影院到播,不過未成氣侯,我地可以諗下,帶起這個新的風氣。」子華也感認同,「真係可以!我地都有錄影!可以直接係戲院播成個舞台劇,等更多人睇到個製作!反正英皇咁多院線!」

20220926_am730_005

子華在開場前倒地扮暈,笑言發夢以為是頭場演出,驚到暈低。

20220926_am730_004

完成舞台劇後,子華歸隊《飯氣攻心》謝票 潘燦良執導新劇《短暫的婚姻》。兩人「各奔前程」大表不捨。