黃子華 狂挖苦董特首 霆鋒羅文難倖免

2003年3月22日 | 明報

香港正處多事之秋,令前晚在新伊館首演《黃子華棟篤笑——冇炭用》的黃子華,有更多話題可以發揮。整晚演出他講足超過一個半小時,而當他以董建華為話題之時,獲得最多掌聲與笑聲,其次則是挖苦謝霆鋒及美伊開戰,縱使話題中未有提及梁錦松,亦說到高官問責制;而稱得上是冷場的話題則是他重提羅文當年露股事件。

眾多老友撐場
前晚全場爆滿,子華更獲一眾老友到場支持。在表演中,子華挖苦董建華:「點解香港搞成咁﹖因為有人睇咗本《低B學做特首》,我只是針對本書來講,不是針對人,我最體諒董建華,其實佢做特首都係老婆叫……我依家唔敢去澳門賭錢,因為連勢都輸畀人,都唔知過去玩21點定23點好﹖而且帶幾多錢去玩?8萬5?一句8萬5就變咗負家產、陀衰家……佢哋從來無道歉,只講8萬5唔再存在就當交代咗,如果曾蔭權有一日講『董建華再唔存在』就好嘞……不過董建華要連任又唔怪得佢,阿董太依家買樓有四折(樓價跌),再連任就兩折……」

子華順勢提及高官問責制,他說:「問責制之後,佢重有好多得力助手,不過我想套用劉德華幫政府拍嘅宣傳語句『今時今日咁嘅服務態度係未夠㗎』,內部好應該睇睇。」他又說:「董建華都唔係一無是處,佢最大作用係香港人有乜問題都怪佢,所以成為港人嘅出氣袋。」

子華在說謝霆鋒時更抵死,他指謝霆鋒人神共憤,更說:「佢妨礙司法公正坐足14日監就當然唔夠,佢拋棄王菲點計?暗?栢芝又點計?香港講公平,個個話重判謝霆鋒,點解無人話輕判個差人?」同時他亦以羅文作話題,不過有羅文的歌迷卻表示不欣賞他將羅文的歌聖地位及露股事件再拿來作話題。

羅文歌迷表不滿
演出後,問及黃子華為何未有在棟篤笑中提到梁錦松?他稱因為有些話題他不想再重複,所以只講大方向,他笑言:「香港現在說話不能太大意,小小事就要斬頭……而且有些話題都要顧及觀眾會不會有反應。」

而他在表演中帶有很多粗俗字句,不過現場卻有小朋友在座,會否教壞細路﹖他解釋海報早已講明是兒童不宜,但家長要帶小朋友入場他也無法子。

1387857354801_705b95ad6ec8e799079f3df942f30ca0

黃子華棟篤笑引起多個火頭。