黃子華棟篤笑今晚開鑼，有可能是最後一個棟篤笑，雖然子華話過收咪不收山，但粉絲都照樣熱烈支持他。開騷前，場外有售賣精品更排長龍，精品有上次棟篤笑的影碟和浪口杯，分別售賣150元及100元，依然逾百人排隊買杯，十分墟冚。

30歲梁先生：「睇過黃子華棟篤笑五、六次，期望佢講番啲九十年代嘅內容。（想聽佢講乜嘢話題多？）鍾意佢講民生。」持880元門票的他，現場一口氣買了五個浪口杯留念。

秦姓姊妹花：「第二次現場睇，想聽佢講社會嘅話題，想聽佢講時事，好似之前沙士，佢講啲Point都好中。（覺得子華最後一次棟篤笑好可惜？）差唔多，畀佢休息抖吓啦！」

上海男粉阿哲：「今次係陪朋友嚟睇，之前喺大陸睇過，今次第二次睇，聽得明廣東話，關於香港的內容都明，自己都關心香港，成日嚟！（想聽乜嘢話題？）想佢講啲兩岸友好，對敏感話Open冇所謂，每個地方都有優點同缺點㗎啦！」

同埋浪口杯。

浪口杯係咁樣嘅！