對於有指張智霖因失落視帝深感不忿，子華透露很多年前曾跟袁詠儀合作，由當時開始兩人已以「表哥」、「表妹」相稱，自己亦是看著靚靚和張智霖拍拖、生仔，故當正二人是表妹及表妹夫：「我真係當佢哋係親戚，所以係唔會講任何引起誤會嘅說話。（靚靚有無打畀你講恭喜？）佢無我電話，但通常我哋會撞到，感覺就好似撞到個好耐無見嘅親戚，真係非常高興，總之呢方面我係一個字都唔會講，唔想影響我哋親戚關係。」

子華又指明天會自掏腰包請大家慶功及追看大結局，問到明年動向？子華笑說原先不想太早公布，但為了強調跟無綫確實並非合作關係，所以才預早宣布：「明年年底確實係會做棟篤笑，所以我真係無時間，仲有我不斷答應幫唔同嘅戲做客串，所以下年我係串帝。」

黃子華當正張智霖表妹夫，所以唔想回應張智霖近日的是非。

陳敏之同黃子華乾杯。