蘇永康今年3月一索得男，上個月滿月嗰日，就由喺ig公佈囝囝Jazz嘅中文名叫展弘。

蘇永康啱啱又喺ig放多咗段片，見到黃子華抱住Jazz玩得好開心，仲透露子華做咗Jazz契爺，睇番段片，Jazz初時喊晒口，喺子華一輪努力之後，終於冇再喊，仲眼定定望住子華，子華對住Jazz講：「我見到啲BB就忍唔住啜埋佢，係好想啜啜啜啜！」子華一路抱住Jazz，一路讚佢得意，仲拎咗個金幣送咗俾Jazz。

至於蘇永康就留言多謝子華，佢話：「契爺咁重手？連我都未見過富格林金幣，展弘是個有幸運的小孩，希望你長大人緣也不錯。」

子華神去咗湊阿公個B。

子華神笑晒口！

父愛大爆發！

啜啜啜！

子華神送金幣俾阿公個B。