徐子珊、黃子華、王君馨及陳敏之等昨日為劇集《My盛Lady》開工，適逢子珊今日34歲生日，同劇演員趁放飯時捧出蛋糕兼唱生日歌。劇中與子珊有感情線的子華被要求獻吻，但他不願就範，幸無損壽星女興奮心情，透露沒想到劇組如此窩心：「呢個係今年第一個生日蛋糕，唔怪得佢哋係都要我咁早嚟，原來係呃我嘅。（正日點慶祝？）開工，屋企人就喺之前趁父親節一次過慶祝埋，今年唔會點大事慶祝，都係同朋友食吓飯。願望身體健康，希望套劇受歡迎，因為係我第一次拍喜劇。」

敏之豪氣地表示讓壽星女任揀禮物，提到早前拍吊威吔戲撞瘀腳的她是繼子珊後另一同劇演員受傷，問到是否需要再拜神？敏之說：「係我唔小心啫！」而她有份主演的劇集《熟男有惑》前日首播，最高收視30點，成績不俗！

徐子珊（右二）獲子華等同劇演員送蛋糕賀壽。