歌手蘇永康與太太馮翠珊為仔仔蘇展弘（Jazz）於灣仔一間酒店補擺百日宴，筵開11圍，不少圈中好友亦有到場，如Jazz的契爺黃子華、張衞健、梁漢文、容祖兒、任賢齊夫婦、許志安、蔡一傑、杜德偉夫婦、上山詩鈉與女兒Hilary、佗B近6個月的胡杏兒與老公等等，而車婉婉亦單拖與囝囝出席。

子華離開時接受訪問，大讚契仔Jazz非常大隻及非常好湊。提到蘇康指他一抱Jazz，就令Jazz不哭，他笑說：「冇錯，因為我嘅兼職係一個陪月，近來我冇咩做就係做陪月！（仲送咗嗰揹帶？）因為佢已經16磅喇，單手、雙手抱都好攰，所以喺時候用呢啲嘢，人類係生長得好快，佢嗰仔已經好重！」問到他可會想生一個？他即說：「仲問呢啲？見到佢（Jazz）已經好開心。（得閒上去湊Jazz？）我係非常之渴望嘅！」而祖兒被問到男友劉浩龍可有前來，她就指對方不在香港。

黃子華一抱就唔喊，呢啲咪緣分囉！

契爺黃子華送咗揹帶做禮物。

黃子華話Jazz大得好快，依家16磅重，所以送揹帶就最實際。

好多朋友都有嚟，好似梁漢文（左起）、許志安同黃子華。