《My盛Lady》噚晚喺尖沙嘴搞咗個煞科宴，黃子華、徐子珊、陳敏芝同高海寧應邀出席。講到近期《衝上雲霄II》收視勁收，子華就話：「我從來都零壓力，唔會理收視呢一樣嘢。」

子華話唔知套劇會幾時出，但今年應該冇可能，亦都未搵佢唱主題曲。咁如果無綫搵你唱、唱唔唱呀？佢話：「唔好啩，雖然以前我都會唱。」之前《男親女愛》、《棟篤神探》同《絕代商驕》都係搵番子華自己唱主題曲，感覺好似一條龍又演又唱，先至似係「子華出品」喎。

無綫依家鍾意捧自己友唱歌，仲搞埋《星夢傳奇》發掘藝人歌手，對此子華就話：「冇乜所謂，我哋有阮兆祥，佢係真正嘅歌星，佢唱歌好好，我成日都聽佢嗰首《In Your Eyes》，總之搵佢唱我就舉腳贊成。」

同樣係歌星出身嘅徐子珊，就好坦白咁話：「我唔敢唱主題曲，留番俾子華，靠晒佢，我對佢有信心。」

噚晚《My盛Lady》煞科，最搶眼嘅，似乎係被索吻嘅徐子珊喎！

黃子華、子珊同敏之。

齊人大合照，下次應該係出年先見喇，因為個劇今年未必播得切。