自嘲係「票房毒藥」嘅黃子華，02年一部《一蚊雞保鑣》收得11萬嘅慘淡票房，今年佢東山再起，自編、自演新片《棟篤特工》，仲點名要由舊拍檔佘詩曼擔當女主角，仲搵嚟鄭秀文、吳君如等具份量嘅藝人客串。
《棟篤特工》嘅預告片噚日喺facebook嘅《電影瘋》專頁上載，片花長約2分半鐘，成個感覺就好似周星馳套《國產凌凌漆》咁，其中一幕講子華跌晒啲特務工具落地，再喺褲袋裡拎出最後一件、令人聯想起星爺喺戲中都係有好多獨門工具。而子華話晒都係棟篤界嘅神話，戲中當然唔少得有gag位，好似「hy do gen」即係「嗨到盡」，又做咗一啲動作暗示畀C君知自己急尿，而最最明顯嘅搞笑位，應該係條粗過手指嘅威吔，好唔好笑，就見仁見智嘞。網民反而對簡體字幕有啲失望，留言：「雖然我好想撐男神，不過套嘢大陸味太重，估計係香港冇咩票房。毒藥之名都係甩唔到㗎啦，子華你都係開show算啦。」
戲中喺子華飾演特務，與飾演政府高官嘅佘詩曼一齊去查案，但過程中兩人互不信任，結果引發出好多離奇古怪事。但片花唔知點解，女主角阿佘竟然只得約3秒嘅單頭鏡頭，仲要係側臉再加朦朦朧朧咁，反而子華大部份造型都係西裝骨骨，超級型仔，唔知阿佘睇到呢條片花有冇唔開心呢？
（互聯網圖片）
片花中好多有威吔嘅shot，呢一幕可能係劇情需要…（互聯網圖片）
但呢一幕有點太明顯？（互聯網圖片）
真係成條喺度（互聯網圖片）
講起C君，佢同子華神有好多場搞笑戲。（互聯網圖片）
知唔知講乜呢？（互聯網圖片）
以下全部係子華神喺片花中不同形像（互聯網圖片）
好想尖叫…（互聯網圖片）
（互聯網圖片）
有啲樓盤廣告feel（互聯網圖片）
（互聯網圖片）
呢個look搞笑得嚟有啲可愛（互聯網圖片）
網中子華神（互聯網圖片）