男神黃子華返來喇！佢同老拍檔佘詩曼合作嘅電影《棟篤特工》定喺明年農曆新年賀歲檔上映，今日電影海報率先曝光。

戲入面子華神飾演特工，阿佘就扮演女警，組成一對港式搞笑版007組合。所以海報都索性向《鐵金剛》系列電影致敬，仿傚羅渣摩亞（Roger Moore）喺1981年主演嘅《鐵金剛勇破海龍幫》（For Your Eyes Only）嘅經典海報：一個露半臀嘅邦女郎配上無敵長腿，占士邦就喺邦女郎雙腿之間擝槍。《棟》片海報異曲同工，不過由原作嘅圖畫換成真人版，長腿女郎未知係咪阿佘，不過就有標籤話「我係佘詩曼」。其實戲入面嘅子華神007，又確係幾英式，造型係傳統英式三件頭打扮，揸嘅車亦都係英系、007必備嘅Aston Martin跑車，不過就係古董款式。

子華同阿佘主演嘅電影《棟篤特工》，安排咗喺明年賀歲檔上映。

子華神返嚟喇！

子華神戲入面飾演特工，阿佘就扮演女警，組成一對港式搞笑版007組合。

海報索性向《鐵金剛》系列電影致敬。