《東網巨星》娛樂節目《玄學星相》為觀眾提供集玄學及娛樂於一身的資訊，令觀眾可增加玄學知識之餘，又可緊貼娛樂新聞。最新一集《玄學星相》由堪輿學家陳子才以玄學角度和大家全面折解有「子華神」之稱的黃子華。棟篤男神黃子華每次棟篤笑都大受歡迎，次次都會有撲飛潮！

他是否天生就靠把口搵食？陳子才說：「我想話佢唔係都唔得啦！大家都公認架啦！當然從玄學角度我哋又可以解構一下，大家成日都講口才，最容易梗係睇個口。佢個嘴唇上唇比較薄，亦都有輪廓，仲要有一個好特別嘅，你可以細心觀察一下佢個嘴唇上下都係，有一啲好直嘅紋，好清晰嘅直紋，呢啲就唔係個個有嘅，本身有呢啲咁清晰嘅直紋都係口才好嘅一個特徵。」

話明「神劇製造機」，黃子華當年與鄭裕玲（DoDo）合作的神劇《男親女愛》 無論首播定重播都大受歡迎創下高收視，最近有傳兩位有機會再度合體拍劇，有否機會再創高峰？陳子才說：「佢個命格五行屬火，今年係丙申年其實都係屬火，其實16、17年，兩年喺工作上面佢都可以再創高峰！咁所以如果佢真係做呢樣嘢，可能又有另一個突破，或者另一個高峰製造出嚟。」

「子華神」感情世界一直成迷，最近有傳他有一個人稱「翻版范曉萱」的女朋友，他的感情運又如何？想繼續聽師傅點講？就要Click入《東網巨星》的「視娛樂」，睇《玄學星相》就更啱Feel！

黃子華嘴唇上下都有直紋，係口才好嘅特徵。

黃子華嘅嘴唇微凸，代表潛意識都好鍾意講嘢。

黃子華有學識又有實力，係男神界嘅佼佼者。

黃子華嘅感情運係點樣？