男神黃子華邀請女神陳法拉合演嘅舞台劇《前度》將於下月就正式上演喇！不過黃牛黨就睇中男神子華嘅號召力，同子華迷搶飛，搞到一眾粉絲都好無奈。而子華都知一班粉絲買飛買得好苦，最新消息將會於8月多加11場，希望真粉絲可以買到飛入場睇。

兩位主角已經密鑼緊鼓為舞台劇排練，之前話二人排戲氣氛緊張，原來只係劇情需要，一班fans反而更想入場欣賞二人拼出火花。之前開賣只得18場，冇咗「棟篤笑」，一班子華粉絲都好想一睹子華風采，啲飛當然好快就售罄。之後加多6場亦好好賣，不過黃牛黨都當然唔會放過呢個好機會，所以子華就決家由8月3號開始，再加開多11場。

希望真粉絲可以買飛入場支持子華同法拉啦！