男神黃子華同女神陳法拉合作，將喺下個星期五（7月1日）假灣仔演藝學院演出舞台劇《前度》，佢哋目前密鑼緊鼓排練。

之前有周刊聲稱影到子華喺排練場地「教訓」法拉，但喺套舞台劇就講呢對舊情人重遇「開拖」，如果周刊覺得子華鬧緊法拉，即係話佢哋排得好入戲啫。《前度》由最初話只開初18場，由於觀眾反應超熱烈，再加多6場到24場。雖然今次唔係子華表演棟篤笑，但喺有女神陳法拉助陣下，啲飛依然好好賣，所以決定由8月3號開始，再加開多11場。

聽聞呢次決定子華因為太多人買唔到飛，又唔想益啲賣黃牛飛嘅排隊黨，所以有呢個決定。網上仲有埋最新嘅海報，雖然全黑色，但嗰句「3年前一走了之，今夜台上了斷」，真係好到肉。

黃子華同陳法拉套舞台劇下個禮拜就開鑼，今日更有二度加場嘅消息。

法拉又貼吓綵排相上Instagram

子華連日嚟都忙於綵排