張達明同農夫嘅棟篤笑日前尾場，蘇玉華、許冠文、鄭嘉穎同陳凱琳等都有捧場，連棟篤笑始祖黃子華都嚟埋呀！開親騷當然唔少得喺後台合照，但除咗三位主角之外，「被集郵」得最多嗰個正正就係子華神喇！話晒佢都係男神，又唔係時時蒲頭，難得有機會又點可以放過呢？主角農夫亦唔怕畀人喧賓奪主，化身小粉絲Mark實子華神影合照，而Super Girls隊長Aka影完仲即刻擺上網Show Off㖭。其實子華喺高登一向係「永遠榮譽男神」，除咗呢班藝人，相信好多Fans都排緊隊想同佢影合照！