男神黃子華噚日黃昏突擊出現銅鑼灣，不過佢又戴帽又戴口罩，加埋副膠框眼鏡，包到冚，唔想俾人認出。最正係佢頂帽印住：ESCAPE!
噚日下午5點半左右，子華一支公現身，泊好車之後，就行利園商場，百無聊賴，先入咗時裝店睇衫，再去睇紅酒，但都係齋睇冇幫襯。
及後子華仲急步行咗去希慎廣場嘅Apple Store，佢對喇叭好有興趣，睇完又向店員查詢。全程子華都冇俾人認出，但店員就通水有記者偷拍。問到子華戴口罩係咪唔舒服，佢就耍手擰頭，揮揮手就馬上閃走。
子華想買乜呢？
店員通知子華謂有記者…
即刻戴番眼鏡
即走
全程望實記者…