有「子華神」之稱嘅男神黃子華向來受觀眾歡迎，就連其他藝人都忍唔住同佢「集郵」，就知男神魅力沒法擋！而以下呢兩位藝人都有幸「與神對話」，仲要影埋合照添，咪就係組合農夫囉！C君晚上喺Instagram放上孖住陸永與男神影嘅合照，不過相中男神個表情就……難怪C君都留言同男神SAY SORRY，仲留言話：「喺演藝生涯第一個里程碑係拎到Do姐（鄭裕玲）電話，另一個里程碑係拎到子華神電話，仲可以一齊食飯！獲益良多嘅一餐，果然聽君一席話，謝謝子華神的讚賞，並且很抱歉揸機嗰位影得太差……」嘩！有冇咁誇張呀！

而一眾網友都好「葡萄」佢哋可以同男神合照，仲話「表示恭喜又羨慕」，亦有網友建議佢哋三個合作開棟篤笑，三個都咁搞笑又食腦，實有好多火花，成事的話肯定牽起撲飛潮！

C君（左）、陸永（右）成功集郵！捕獲子華神（中）！

不過C君（左）好似唔係好滿意張相喎…