黃子華今晚喺活動上宣佈「收咪」，加上佢喺7月會舉行《金盆「浪」口》棟篤笑，即係講埋呢次，以後未必會喺「棟篤笑」呢個舞台見到佢。

「收咪」代表咩？好簡單，代表住呢次棟篤笑肯定係史上最難撲飛嘅一次。子華神對上一次棟篤笑，係14年個次嘅《唔黐線唔正常》，呢次由子華自己做番搞手一手包辦，呢次棟篤笑除咗香港站，仲有澳門站、美國、加拿大等地方，當時有報道指，計晒門票同贊助收入，保守估計子華賺咗3,000萬。有搵錢能力，都有能力使錢，子華喺13年就用2,500萬買入北角一個單位，同女友同居。