子華在《金盆浪口》棟篤笑頭場尾聲，為陳冠希說幾句。

「我覺得點解……我哋會咁樣樣呢？某程度上陳冠希真係對我哋有恩，就算冇恩，都叫做因功補過，但我覺得最奇怪嘅係，咁多年，我哋香港人係冇人走出嚟同佢平反，冇人夠膽。我都唔夠膽講真，但我都唔撈啦！是鬼旦啦！」即係，黃子華要為陳冠希平反。全場又拍掌。

「因為邊個出嚟平反，邊個就係變態㗎嘛！係性變態！因為香港，性就係變態，係講真㗎！大家做個心理測驗吖，無論男女，好多人喺心目中，香港哋有對模範夫婦，你唔好講出嚟，有啲人認梁振英兩公婆係模範夫妻，你唔好講出嚟！你自己八卦喺心裏邊。」

「你自己想像心目中你嘅模範老婆，公開講，『我每日最開心呢，就係令我老公欲仙欲死…』，即刻冇得模範！所有護膚品廣告冇晒啦，『唉呀佢仲介紹我隻面油添，我用嚟搽面㗎！』你聽人講埋先，『我最鍾意令我老公點樣能夠令到佢欲仙欲死呢，佢每晚臨瞓前，我都整個餐蛋麵佢嘆㗎！』『哎吔，真係一個賢妻喇！』」

「喺香港所有女性行為都係變態嘅，除咗性交轉運。佢唔係變態嗰啲，佢喺笨，邊有咁笨笨㗎？你下次轉運搵我吖嘛，我整車轉運（子華自己都忍唔住笑）。」

「各位，今次真係最後，點解講咁多，最後都係呢啲成人嘢呢？因為一代才子囉！（觀眾大叫拍掌）呢啲咪叫呃like，但唔係我，我係講緊香港嘅黃金年代，有個黃金才子，叫黃霑，黃霑霑叔有才華，我諗唔使解釋啦。霑叔寫其中一個作品叫《不文集》，講吓啲黃色笑話，佢解釋自己點解咁俗，我覺得好精采，呢兩句說話，佢話，佢係為真小人爭取社會地位，不讓偽君子們霸佔了全世界。」