男神黃子華7月就舉行佢最後一次個人棟篤笑，原本處於閉關期嘅佢，噚晚去到銅鑼灣出席趙崇基導演嘅電影《中英街1號》。

原來佢第一部擔正做主角嘅戲，就係趙祟基嘅作品，1993年《人生得意衰盡歡》同1994年《沙甸魚殺人事件》。

子華神接受訪問時話：「第一套戲就係拍趙崇基，呢段時間閉關，唔應該見人，但冇辦法一定要出嚟，人生第一個導演。而且今次套片好吸引，香港好少人拍呢類題材。相信順利上到，就會有排上。」

開到子華佢7月個騷會唔會咁敏感，佢笑言成個騷都係敏感題材，而且係各方面包括意識同內容都有，所以佢話18歲以下唔可以入場，目前已經排練緊，會邊排邊度橋。

問到有報道話揀篤笑主辦商畀今次畀一億演出酬金子華，所以佢做埋呢次搵夠收山，子華話：「完全冇諗過，我從冇話過收山，首先主辦商冇畀咁多錢我，其次我收咪唔係收山。如果有劇本搵我都考慮接拍，社運題材都係睇劇本同角色，人大咗要求多咗，要好多方面配合。好似趙崇基呢套以咁平價錢拍出嚟，唔容易。之前見佢搞咗好耐，以為佢拍唔成，依家就拍咗出嚟。」子華又話現時仲未瘦夠，因為自己為食。

子華神出身幫趙崇基導演嘅《中英街1號》撐場。

7月開騷嘅子華話成個騷題材都敏感。

子華、趙崇基同溫碧霞當年合作過《沙甸魚殺人事件》。

子華同達明當年一齊做過棟篤笑。