黃子華啱啱拍嗰個快餐廣告，原來哥哥張國榮都拍過㗎！嘩！哥哥呢個廣告係85年㗎，屈指一算咪成三十幾年。

我哋男神黃子華，向來拍廣告都好揀擇㗎。聽講冇400萬一年都唔使諗，最緊要同男神啱channel至有偈傾㗎。千揀萬揀，同呢個快餐店合作，正正因為黃子華人氣過人，搞到快餐店過去嘅衰嘢，一鑊過俾網友清算，仲俾人鬧多幾錢重添。查實呢間快餐店除咗30年前搵過哥哥，最近一次搵公眾人物已經係兩年前嘅青姐胡孟青。今次重金禮聘搵男神救亡，一心諗住救吓快餐店嘅負面形象。點知一個太人氣，一個太負面，撞埋一齊，沒有最好只有差，仲要嘥咗男神嘅神級演繹，超錯！