黃子華與蔡少芬昨日為無綫劇《棟篤神探》拍一場影婚紗相之戲份，少芬在剛回暖的天氣下，以一襲低胸性感的吊帶婚紗出現，幸未有冷得伊人「震騰騰」，但性感的造型，並未能「益」子華，因為結婚慣例的接吻戲，卻在此劇中欠奉。

《棟》劇將拍兩個結局版本，兩人能否拍得成婚紗照，子華坦言都未知，要在播出後，視乎觀眾喜愛。不過，婚紗照中例有的親吻鏡頭，子華笑言欠奉，除少芬因信仰問題，免得過都唔拍親嘴戲之外，子華以衞生問題，表示亦不太喜歡咬人家的唇。

唔使旨意
據子華透露，早年拍電影《人間色相》與蔡少芬合作，當年對方以信仰為由拒與他拍接吻戲：「一個月後，我竟然見佢同任達華拍咀戲……我哋呢部《棟》劇冇咀戲㗎，咪當佢欠我一嘢囉！適當時候總要還，用錢代替就更好，幾錢？哦……一萬幾千啦！」此時少芬則叫子華「咪嘈」，並指當年沒有與他拍親嘴戲，是因戲中角色是女同性戀，加上怕羞，絕非嫌棄對方，少芬又大讚子華人品好、唔博懵、無口氣，又靚仔，有機會合作一定還他一吻，如要用錢代替則「唔使旨意」。

蔡少芬吊帶低胸婚紗出現，性感不已，但昨日戲份沒有親嘴鏡頭，子華無福消受。