蔡少芬（Ada）、黃子華、姚嘉妮、蕭亮及梁雪湄等，昨日在尖沙嘴宣傳無綫新劇《棟篤神探》，眾演員分組比賽，大玩kick boxing及瑜伽等遊戲， Ada與子華不時互相作弄對方，梁雪湄則以小背心搶鏡。

蔡少芬拒提緋聞
子華主演的劇集《男親女愛》最高曾有四十八點收視，對此他說：「嗰陣我同嘟嘟（鄭裕玲）拍嘢時，我哋撞見過發哥（周潤發），佢重同我合照，之後亦鑲好送畀我，發哥重喺張相寫收視no.1，《棟》劇就嚟上，我都想睇吓呢排撞唔撞到發哥。我對新劇收視冇壓力，上次我演套劇都得，呢次唔得都係關Ada事。」
提到Ada與張晉的戀情，她笑說：「我男友係吳啟華，佢都返咗香港拍劇。感情事無論好與壞，唔提就最開心。」

蔡少芬與黃子華大玩健身遊戲，看來搞笑居多。

黃子華及蔡少芬（後排右三及四）昨日率領一眾演員落力宣傳。