黃子華最後一次棟篤笑今晚正式開鑼！台下觀眾星光熠熠，包括劉嘉玲、施南生、白雪仙、陳寶珠、李嘉欣、黃秋生、吳鎮宇、古巨基夫婦、蕭定一夫婦、蔡一傑、蘇施黃、金燕玲、鄺美雲、蘇永康與老婆Anita、關心妍夫婦、谷德昭、林子善夫婦、曾勵珍及馬海倫等到場睇騷。

螢幕先播出他過往棟篤笑的精華，8時25分正式開騷。子華神穿黑衫黑褲由觀眾席行上台，chok爆引來粉絲瘋狂歡呼，他叫大家先搞清楚兩句金句，台下即大叫回水，子華神續說：「回水冇得傾，除褲太高清……你哋有得嗌就好嗌啦！」他直言現在藝人難做，很易畀人話淨係顧住搵人仔（人民幣）：「搵人仔咪好似拐子佬咁，我會同人講我啲錢唔係內地搵，而係過關搵，一路過關一路唱歌，做個勇敢中港人！一地兩唱！」說到自己曾說北京腔的普通話，子華神自爆被40幾歲的女人鬧難聽：「原來憎恨嘅極致唔只係睇到後面就憎埋前面，依家係聽到佢把聲就憎埋佢個friend！」

子華神開騷喇！

最後一次！

佢就封咪！

台上金句連連！

發人深省呀！