男神黃子華出山，不過就唔係做強項揀篤笑，而係走去同女神陳法拉做舞台劇，原來除咗舞台劇之外，子華仲諗住同蕭定一合作拍一部喜劇。

冇錯，就係子華從來都冇成功過嘅電影範疇，大膽講句計往績，子華點都屬於票房毒藥之列，佢自導自演同郭羨妮合作嘅電影《一蚊雞保鑣》，當年無聲無息上映5日，票房得11萬元。

據聞今次佢只係負責自編同自演，依家差唔多每日都喺蕭定一公司間房同監製陳穎倫開會度橋，在場人士形容佢哋每日度橋都笑到唔停得口，套片嘅定位會喺港產笑片，大陸冇諗住上。果然子華有種邊度跌低，要喺邊度企返起身嘅「小強精神」。