黃子華是網友心目中的「永遠榮譽男神」，雖然其棟篤笑必定場場爆滿、主演劇集亦是收視保證，偏偏多年來參演的電影卻票房慘淡。不過近日其主演的賀歲片《棟篤特工》票房報捷，終令他成功摵甩「票房毒藥」稱號，因此他決定乘勝追擊，宣布於7月舉行17場棟篤笑，更講明「不設巡迴，香港玩晒！」

黃子華是香港的棟篤笑始祖，自90年首次舉行棟篤笑後，多年來的演出叫好叫座，網友大讚其棟篤笑有深度，更發現當中有不少對香港局勢的「神預言」，不過子華幾年前就曾在網台節目透露短期內都無意再搞棟篤笑，灰爆表示：「我做唔到，我喺香港過咗咁多年，係地道香港仔，依家由我認識嘅香港發展到今日香港⋯⋯其實好多嘢笑唔出，唔知點笑，大勢係悲觀。」
然而近日盛傳子華即將再搞棟篤笑，縱使之前只聞樓梯響，但網上已有個別網站聲稱能代購門票，子華透過Facebook專頁澄清：「子華及本會為避免有任何人士受騙而招致損失，現特別公告此並非官方授權售票網站。」直至昨日，他終於宣布於7月6日至22日期間舉行棟篤笑，雖未列出場地，但門票價格就為$280至$880不等，原Post上更寫明：「2018不設巡迴，香港玩晒！」明益香港支持者！

黃子華終於再開棟篤笑，屆時必定一票難求，有網友就要求他以實名制賣飛。

黃子華與佘詩曼主演的《棟篤特工》票房衝破3千萬，當然要食住個勢宣布開Show！