《達ming 農夫棟篤唱「已經爆咗」》尾場邀得張智霖（Chilam）擔任特別嘉賓，而不少圈中人包括鄭嘉穎、陳凱琳、黃子華、許冠文及阮兆祥等現身撐場。Chilam壓軸出場獻唱《祝君好》引起全場尖叫，而張達明更打趣：「而家由Chilam落台代我哋同觀眾握手，復活節送個張智霖畀你，仲想點？」期間更有不少女粉絲邊握手邊掏出手機要求集郵，搞到Chilam舉步為艱！陸永於台上自爆自己是Chilam表弟好友，趁機大聲叫對方「表哥」及要求抱抱，相當搞笑。

獲黃子華賞識
農夫台上曾提及有歌手在內地唱騷獲3億收入，記者事後追問，C君謂：「咩呀？我睇報紙咋，你哋又問番我！不過我信！」張達明聞言即答：「我都想入音樂界呀！」農夫又指後台獲黃子華「賞識」約飲茶，故搞笑問張達明：「唔使等好耐啩？」

黃子華都有嚟睇。