李彩華（Rain）前晚與帶醉的黃子華手拖手出席電影首映禮，Rain指自己喜歡幽默型的黃子華多過事業型的蕭定一，還不排除會主動向黃子華表白示愛，非常大膽！

黃子華、Rain、童愛玲和張達明等前晚出席電影《嚦咕嚦咕對對碰》首映，身穿還未公開發售的DKNY吊帶裙的Rain，豐滿身材成為焦點！子華不避嫌主動拖著Rain上台，當Rain接受訪問時，盛讚子華為人幽默，跟對方合作得十分開心。問到Rain喜歡幽默的子華、還是事業型的緋聞男友蕭定一時，她笑說：「我都驚悶架嘛！鍾意幽默型多啲！（冇乜安全感喎！）喺我心目中，子華好有分寸。（佢有女朋友。）一日未結婚，一日都有機會架！（同佢表白？）首映完左之後會有派對，或者會同佢講架！」

童愛玲俯身搶鏡
在首映禮前去了試酒的子華，接受訪問時一身酒氣，被問到為何大膽拖著Rain入場，子華即示範多一次，拖著她笑說：「我呢啲驚咩呀！」對於被Rain大笠高帽，子華笑說：「每個有品味嘅女人都應該好似佢咁，慷慨地愛上冇品味嘅男人。（佢話向你表白喎！）唔好令我發夢，不如介紹畀張達明同李璨琛仲好啦！（一個有老婆、一個有女友，你有冇飲醉呀？）冇飲醉，醉左既人通常都唔會認醉。」此外，李璨琛與張達明在首映期間「斷背咀」，吸引穿著吊帶衫的童愛玲俯身湊熱鬧，亦搶去不少風頭！

Rain與子華手拖手為電影造勢，更不避嫌互讚對方，非常風騷！