賀歲片《棟篤特工》嘅演員黃子華、余詩曼、C君，今日去到荃灣為電影宣傳，大會安排佢哋同扮演成女僕嘅現場觀眾一齊行catwalk，子華大笑C君同參與遊戲嘅女僕造型觀眾有夫妻相。

子華過去唱嘅主題曲都會成為熱潮，但佢喺台上分享話自己一向唔鍾意唱主題曲，今次監製邀請佢唱，佢亦一口拒絶，子華話：「監製叫我唱，我即刻話我好憎唱，呢部戲嘅質素唔應該揾我唱，但原來已經作好晒曲詞，準備好晒，音樂總監坐我背後，我當時非常尷尬，原來係欣宜唱，我只係搞吓笑就OK。」子華神話在唱歌方面，對自己嘅要求好客觀，自己覺得非常適合先至會唱，依家確實好難請郁子華神開金口唱歌。子華話：「今次填詞嘅係一個女仔，佢中英文都填得好勁，多謝欣宜唱首歌。」

今次電影嘅投資方屬蕭定一公司，因為與TVB有官司糾紛，所以套戲到依家都唔可以喺TVB宣傳，子華回應：「多年前，我每次做棟篤笑，TVB咁啱播我啲劇，朋友話TVB錫我幫我宣傳，我同人講冇夾定，後尾我做騷無劇播，做人最後都係靠自己，你唔得邊個都幫你唔到。」子華透露情人節會團年，慶祝晒所有嘢。

至於佘詩曼就話：「官司係公司同公司之間嘅事，對我冇直接影響，今次係電影嚟，最緊要大家買飛入場，我對子華有信心。」

C君同扮成女僕嘅女觀眾一齊玩遊戲，被子華取笑有夫妻相，C君話：「曾經去過女僕餐廳，就算男僕都去過，對方跪喺度幫我落單，自己都好唔好意思。」拍檔陸永在無綫頒獎禮擔任司儀，傳失言激嬲阿叻陳百祥被拉到後再照肺，C君話：「冇咁嘅事，唔知點解有咁嘅新聞，啲人話佢黑面，佢唔講嘢嘅時候就係黑面㗎啦，佢喺我面前都好少笑。」

C君同扮成女僕嘅女觀眾一齊玩遊戲，被子華取笑有夫妻相

今次監製邀請子華神唱主題曲，佢一口拒絕