黃子華、佘詩曼、鄭詩君（C君）及Dickson等，昨日到荃新出席新片《棟篤特工》宣傳活動，活動上C君與Dickson又與以女僕造型的粉絲玩遊戲，C君就自爆去過女僕餐廳。

投資《棟》片的電影公司早前與無綫因電影的加班酬勞問題而有官司糾紛，是以昨日無綫無派員採訪，對於少了平台宣傳，子華就說：「好多年前我好彩，每一次做棟篤笑，唔知點解之前無綫就會播我演啲劇集，啲人就會話無綫幾錫我，次次都幫我宣傳，啲騷先至收得，我就同人講其實係冇夾定，後來我做騷，無綫冇再播我啲劇，但都收得，最後證明都要靠自己，幫當然好，唔幫都要自己得。」問到情人節有什麼節目？他故作正經說：「嗰日團年！年三十晚就去謝票。」

談到官司進展，阿佘表示不知情，因是公司之間的事情。對於可擔心少了無綫這個宣傳平台？阿佘說：「子華話齋，都要靠自己實力，而且仲有報紙嘛，觀眾都會知道我哋套戲嘅消息，而且今次係電影嚟。」阿佘又稱對子華今次的劇本有信心，因他與一班編劇嘔心瀝血度了兩年劇本。

C君否認陸永被「照肺」
C君受訪時表示很開心可以跟偶像黃子華合作，戲中飾演對方的助手。提到其拍檔陸永，被指之前因在無綫台慶頒獎禮上窒陳百祥（阿叻），事後在後台被「照肺」？C君否認有此事，並指當時是與陸永去廁所，也不知為何有這些新聞出現。至於感情方面，C君表示剛與女友去完日本旅行，他指兩人拍拖三年多，問到可想更進一步，他笑說：「我都想，都會計劃一吓，我又唔係陸永，佢現在就好啫，開頭佢幾辛苦，自己唔會似佢咁唔小心。」

子華和阿佘靠自己實力去宣傳。