藝人黃子華、佘詩曼及C君到荃新天地宣傳新片《棟篤特工》，子華透露非常抗拒主唱電影主題曲，他說：「首歌依家係鄭欣宜唱，我就喺旁邊搞吓笑，咁就可以。（但你有好多電視劇主題曲都好hit！）要係同劇有關，今次首歌好正經，我覺得自己係唔應該好認真咁去唱歌嘅，欣宜唱就好好。」

子華被問到情人節有甚麼節目，他一本正經表示：「團年！嗰陣就嚟年尾，食團年飯之外仲要去謝票，聽講我哋套戲預售反應唔錯，呢個年頭有預售仲反應幾好，係好唔容易。以前我有棟篤笑show要開，無綫就咁啱會播我演嘅劇，好多人話無綫幫我宣傳，但後來我有show，無綫冇再播我啲劇，啲飛都賣得唔錯，證明最重要係靠自己！我自己未睇套戲嘅完成版，都好期待！」

佘詩曼之前演出電影版《十月初五的月光》，因超時補水問題，令無綫向蕭定一公司興訟，談到官司進展，她說：「交晒畀公司處理。（《棟篤特工》係蕭定一公司，怕唔怕少咗TVB呢個平台宣傳？）子華話齋，都要靠自己實力，而仲有你哋報紙嘛，觀眾都會知道我哋套戲嘅消息！」

好期待呀！

唔知佢哋會擦出咩火花呢？

好多粉絲撐場！

兩位都係靠實力！

同粉絲玩遊戲。

氹到粉絲勁開心！

有子華就有笑聲！