棟篤笑之父黃子華，噚晚就喺佢facebook子華本部到上載短片，話將會做舞台劇，現時只知人物有佢同陳法拉，官方仲未公佈時間、地點同票價，但網上已經掀起搶飛潮，真係子華一出，誰與爭鋒！

原來子華舞台劇嘅產量並不多，最經典嘅要數番佢同鄭裕玲喺千禧年做嘅《男親女愛舞台劇》，當年余樂天同Miss Mo呢對鬥氣冤家，創下48點嘅收視神話，佢哋原班人馬一齊做舞台劇，一開就50場，賺到盤滿砵滿！

8年後，黃子華就聯同鄧偉傑和陳淑儀，一齊做曾獲美國百老匯東尼獎「最佳戲劇」、美國紐約戲劇評論大獎「最佳戲劇」和法國莫里哀戲劇獎「最佳劇本」嘅舞台劇《男磨坊》，一共開咗16場。故事就講述三個情同手足的男性好友，因為其中一人用高價買了一幅現代派油畫後而引發的連串爭議開始，三個人的友情更因為價值觀、對藝術的認知與理解的不同而飽受重大的考驗。

2011年，子華就同當時仲未紅嘅白只、陳淑儀等人，一齊做咗17場嘅舞台劇《咁愛咁做》，而佢對上一次做舞台劇就係2012年同甄詠蓓、林嘉欣、同廖啟智合作嘅《野豬》，當時共開咗17場，唔知今次子華同法拉合作，又要演出幾多場呢！

黃子華嘅舞台劇產量並不多。

子華同DO姐做嘅《男親女愛舞台劇》，一共做咗50場。

黃子華與鄧偉傑和陳淑儀於08年合做16場舞台劇《男磨坊》。

舞台劇《咁愛咁做》

12年林嘉欣客串子華嘅舞台劇《野豬》。

子華喺《野豬》嘅造型。