黃子華今晚在土瓜灣出席一個車行活動時，突然宣佈今年7月合共12場嘅《金盆「浪」口》係佢最後一個棟篤笑。黃子華表示佢唔係「封咪」，亦唔係退休，只係「收咪」。

子華於訪問中又表示，「收咪」呢個決定，早於2003年已有，故不是最近的決定。傳媒問他可是因為覺得依家有啲話題「敏感唔講得」、或者已經講晒，子華未有正面回應，只表示大家諗嘅嘢未必係佢諗嘅嘢。

訪問中，問子華今次會否加場？佢話：「其實要睇大家反應喇！四月會公開售票。」會否有「絕望座位表」（即被主辦商扣起晒啲飛）？子華好肯定咁講：「唔會！大家可以放心！我寧願騰出多啲位出嚟俾大家！應該有位嘅！」驚唔驚有黃牛？「呢個冇得驚，呢啲應該會有！我都唔知應該邊一個有關方面要正視呢個問題，似乎係好犀利！」