李彩華前晚出席電影首映禮，與有女友的黃子華手拖手進場，並說自己很欣賞「幽默男」子華，還擺明車馬主動追求，實行「手口並用」情挑對方。

李彩華、黃子華、盧巧音、童愛玲、李璨琛與張達明前晚出席電影《嚦咕嚦咕對對碰》首映禮，李彩華無懼寒風，身穿DKNY還未公開發售的吊帶新裝出現，豐滿身材盡展，教人眼前一亮！

跟黃子華手拖手上台的李彩華，接受訪問時大讚子華有才華兼幽默，因李彩華前緋聞男友蕭定一亦有到場，故有記者問李彩華，喜歡事業型的蕭定一還是幽默型的黃子華，李彩華笑言：「我怕悶，都係鍾意幽默型多啲。（呢種男人無乜安全感喎？）我心目中嘅子華都好有分寸。（佢有女友噃？）一日未結婚，一日都有機會。（會唔會表白？）一陣有派對，或者會同佢講。」

主動拖手
既然李彩華如此高調「示愛」，記者遂向滿身酒氣的黃子華追問，先問子華何解如此大膽拖李彩華，子華即說：「我呢啲驚咩呀！」然後又再主動拖着李彩華，對女方如此欣賞自己，黃子華笑言：「每個有品味嘅女人都應該慷慨地愛上無品味嘅男人。（佢話會主動出擊喎？）唔好令我發夢，我亦都唔會發夢，但佢約我去街我都會去嘅，但我呢啲齋講，不如介紹畀張達明同李璨琛仲好啦。」

拖着李彩華上台的黃子華，滿身酒氣，在出席首映前曾去試紅酒。