藝人黃子華晚上到銅鑼灣出席首映支持導演趙崇基，最近閉關為棟篤笑籌備的他笑說：「我頭幾套電影都幾乎係趙崇基做導演，佢搵我就冇乜利嘅，今次冇我就應該大收。本來閉關唔見人，但冇辦法佢係我人生第一個電影導演，所以一定要支持。」

黃子華被問到他的棟篤笑會涉及敏感題材？他笑說：「我嘅騷次次都敏感喎，今次更加唔准18歲以下嘅人士進場，會有好多敏感題材。」

對於有指黃子華今次的棟篤笑賺夠一億打算「收山」？他笑說：「我諗都唔夠膽咁諗，主辦商都冇話我有呢個價，同埋我都冇確定收山，我係收咪啫，可能趙崇基會搵我拍戲呢。」黃子華坦言不抗拒拍敏感題材的電影，認為最重要是好電影又好玩。

黃子華早前暴瘦，現在明顯增磅，他笑說：「其實我想瘦啲，但係太為食，依家向余樂天邁進緊。」

子華話唔係收山。

同場仲有溫碧霞

子華同張達明老友鬼鬼！