山神來襲，三號風球，外面橫風橫雨，紅館裡面，卻充滿溫情，還有點洋蔥。

黃子華繼續《金盆浪口》，今場臨近尾聲嗰時，子華神就話：「好開心，發哥今晚嚟睇騷。」他感謂，「喺好多年前好多年前，發哥已經係大明星，我自己仲係冇乜嘢人識。第一次開棟篤笑（90年在香港文化中心），幾場加埋先至二千，香港當時冇乜人識我，亦相信冇乜人睇過我。所以我唔信發哥係識得我。」

「有一次，我喺酒店中菜廳同朋友食飯，打開門，咦見到發哥行出嚟。嗰陣距離好遠，但係見發哥一直望住我，我心諗：『唔通搵我？』我就同朋友講，冇理由喎，佢應該唔識我喎。佢真係行過嚟，同我握手，然後去洗手間。我真係好驚喜。」

「我人生有兩次俾發哥野生捕穫。十年後，我同嘟嘟喺西貢拍《男親女愛》片頭，原來發哥喺度影相。」故事發展不是一舨的「野生捕穫」Selfie咁簡單，而是有下文。「過咗一排，TVB同事搵我，同我講，『喂，發哥有嘢俾你。』拆開，原來係一張相。」冇錯，嗰張相，就係子華在西貢拍片頭當日，拍攝衝線一刻。發哥不作聲，用相機記下了這個Magic moment，還裝裱好，送給子華做禮物。

今晚，子華特別帶埋發哥呢份禮物上台，公開感謝：「好感動。估唔到喺我冇乜人識嘅時候，有人對我咁好。」

完騷後，發哥說：「個騷好好睇，子華係一好有材華藝人，如果佢話以後金盆洗手，係香港觀眾損失，希望佢再隔幾年再做俾大家睇。佢講嘅係好貼地氣，香港人好有共鳴，好多歡樂俾觀眾。希望佢唔好唔做啦！」

講番子華憶述酒店中菜廳相遇握手事件，問番發哥當時係咪真係識子華？發哥話：「識！我認得佢。我一路覺得佢講嘢幾有深度，幾有才氣，咁我又認得佢，所以同佢握手囉！」

發哥話：「我一路覺得佢講嘢幾有深度，幾有才氣。」