《優獸大都會》將於今個復活節上映，香港版更有兩大巨「聲」黃子華、容祖兒同聲同氣倍感親切！容祖兒這次為電影聲音助陣，完全是因為「男神」子華的魅力！「當電影公司問我會否有興趣接這配音工作時，我第一個問題就問『子華係咪接先？』，他們確定子華已經應承，我就即接啦！」祖兒笑說由細睇子華睇到大，尤其欣賞他的棟篤笑，加上二人相識多時，今次終於有機會首度合作，祖兒形容心情興奮到「心花怒放」。祖兒在戲中聲演樂觀積極有理想的警花兔仔朱迪，她覺得角色與她本身有七成相似，「性格開心樂天，同樣有一股熱誠和傻勁！」

子華則是聲演為搵兩餐而行蠱惑的狐狸阿力，笑言角色與他似到十足，「就係睇落好似好勁，其實一啲都唔勁！」戲中的動物世界分為捕獵獸和獵物族，身為捕獵獸的狐狸阿力卻被偏見所累受盡歧視，表面上輕佻浮燥玩世不恭的他，內心其實有如獵物般脆弱。子華大讚電影的主題很有深度，角色亦讓他有好多發揮機會。祖兒都大讚子華把蠱惑狐狸演繹得夠晒無賴，角色性格十分突出。