對於普通市民朋友，喺街上遇見明星可謂係一種驚喜。如果能夠同明星有近距離接觸，就真係喜上加喜！近日，就有網友開Post叫大家集思廣益，問有冇人接觸過明星同埋佢哋真人係點。Post一出，網民反應熱烈，以下幾個藝人嘅親民程度簡直令人都估唔到！

黃子華被飛雪糕埋身唔識嬲
首先，其中一位親民藝人就係「男神」嘅黃子華。平時做慣talk騷，性格好似寸寸貢嘅佢，原來鏡頭後並唔係咁㗎！有網友話：「係（喺）旁邊hea嗰時，見到黃子華坐喺度寫緊野（嘢），有個8、9歲小妹妹唔知做乜飛左（咗）個甜筒去子華身上，子華慢慢咁企起身，我地（哋）個個即刻等睇野（嘢），點知佢同妹妹講：『小妹妹乜你咁論盡，我就罰你食多枝。』然後走去買過枝比（畀）個小妹妹。」

經一眾網民細數之後，子華（左上）、馬國明、Baby（右上）、謝安琪以大比數勝出「親民藝人」選舉！

子華台上Talk得，台下對住小妹妹時都好有愛心，就算被飛甜筒埋身，唔嬲之餘仲請妹妹食過枝，親民到呢！