向來甚得網民歡心的「子華神」黃子華，自編自導自演的《乜代宗師》將於賀歲檔期上映，但此片近日受網民質疑是內地深圳取景的合拍片，子華今日在Facebook拍片，親自澄清《乜代宗師》絕非合拍片，他強調，「拍的心態已經是這套戲係完全只是想拍畀香港人睇，一套香港嘅電影。」他解釋，「想自由自在，無論題材或表達手法，不想被人去Censor我，應該點樣拍，想忠於戲的Concept拍出來。」他自嘲是「儍佬」賣樓拍戲，形容《乜代宗師》是「香港人投資，香港人賣樓，拍一套只係畀香港人看嘅戲。」

對於有指電影在深圳取景並剝削工作人員，他直認不諱，自言是剝削所有人，台前幕後人員也是「揼心口」，但否認因為收了幾百萬片酬，令成本不足而返大陸取景，他指電影宣傳是「假作真時乜都假」，故有需要澄清，他重申，「一毫子都沒收過，係賣咗幢樓……我問熟行的監制，我賣咗樓，在香港可以拍幾多日？佢話15日，但我套戲需要50日。」他自言在18年前《一蚊雞保鑣》後沒試過自編自導自演，自問沒能力15日拍完，加上需要很大廠房，故有部分要在深圳拍。

對於賣樓拍戲，子華坦言沒信心可翻本，「以我套戲的Budget，無可能翻本，除非有奇蹟，無預過可以翻甚麼……就算只是返水龍頭，我都預咗，但我可以自由自在拍在拍一套戲，好冇睇，唔知，至少忠於自己。」對於子華的剖白，網民有多表支力撐，認為要「真香港人撐真香港人！」、「黃色經濟圈啟動！」

《乜代宗師》劇照。

《乜代宗師》劇照。