蔡少芬與黃子華昨日在中環街頭，拍攝無綫新劇《棟篤神探》，由於拍攝時正值午膳時間，故吸引了不少途人圍觀，其間更有來自內地的自由行旅客苦纏蔡少芬，嚇得她花容失色。
蔡少芬昨日在街頭拍攝追逐黃子華兼吵架的戲份，事後她表示有暈眩感覺，蔡少芬說：「淨係呢個跑嘅鏡頭都NG咗五次，跑到氣喘同暈暈哋。現場啲影迷對我熱情，我覺得唔緊要，不過好怕佢哋郁手，尤其係啲男人企喺我身後，擰轉頭錫到都唔知點好。」

續任代言人
此外，對於現代美容中心老闆娘Joyce向梅艷芳生前的經理人Marianne追討賠償一事，身為同一間公司代言人的蔡少芬表示不知情，她說：「我最近先續咗一年約，我同Joyce識好耐，大家有共識，都係跟住合約做，佢亦冇要求我做額外嘢，總之成個過程大家都舒服。」

蔡少芬與黃子華昨在中環街頭拍劇，吸引大批途人圍觀。

黃子華